工作、休息抖下再工作：中年返工族的責任與退休小規劃
講到職場壓力，相信冇一個返工族唔認同 —— 尤其是中年朋友，壓力簡直像背住個「隐形包袱」。每日返工要追 KPI，行業裏又要同其他人比，怕落后、怕被淘汰，連放工都要拎住電話等訊息，周末有時仲要臨時「補班」。想真正「抖下」？好似成了件好奢侈嘅事。但其實大家心裏都清楚，唔係唔想休息，只係背後有屋企要顧，仔女要養，阿爸阿媽要照顧，根本唔敢輕易停低腳步。 人到中年，「上有高堂，下有子女」呢句說話，真係愈來愈有體會。阿爸阿媽年紀大咗，體檢報告有時會多幾行「注意事項」，睇醫生、買藥、養老嘅錢，樣樣都要預定；細路仔又啱啱入學或者升中，書簿費、興趣班、日常零用，一筆筆都唔少得。為咗屋企人生活得安穩啲，中年返工族只好將「努力賺錢」掛喺嘴邊，就算加班到夜晚，或者犧牲周末去做 project，只要多份收入、多份保障，咬咬牙都頂得順。不過有時太搏，身體都會「投訴」—— 比如肩頸酸痛、瞓唔好，但通常都只係趁午休抖半個鐘，又繼續返工，畢竟屋企嘅擔子，始終要自己扛住。 雖然成日喊「好攰」，但問到「想唔想提前退休」，大部分中年朋友都會搖頭。唔係唔想享清福，只係覺得「責任未做完」：要等阿爸阿媽安安樂樂過晚年，唔使為銀紙煩；要等細路仔畢業出社會，自己識得照顧自己，先至算「鬆到口气」。所以就算返工再辛苦，都只係趁下午茶時間抖 15 分鐘，或者周末晏啲起身補個眠，之後又繼續投入返工生活。其實呢種堅持，唔係為咗「多賺幾個錢」，更多係想對屋企有個交代，等自己老咗回望，唔會有遺憾。 不過當屋企嘅事慢慢步入正軌，有時都會突然諗：「我到底準備好退休未？」好多人返工返到習慣，從未認真諗過「退休」呢件事，覺得仲好遠。直到見到阿爸阿媽每日去公園耍太極、飲早茶，或者細路仔開始做兼職賺零用，先驚覺：「原來自己都差唔多要諗退休嘅嘢啦！」但係一細諗，退休金夠唔夠用？退休之後日日做咩好？身體狀態撐唔撐到四圍去玩？好多問題都冇答案，先發現之前只顧住返工、顧屋企，根本冇為自己嘅退休生活「留後路」。 其實退休規劃唔使太複雜，簡簡單單幾步就得。首先，錢方面要慳啲 —— 每月出糧後，留少少錢放喺養老儲蓄度，或者買啲穩陣嘅理財產品，積少成多，退休後至少有筆「傍身錢」；其次，身體要顧好 —— 返工間隙可以起身行幾步，或者趁午休做幾下拉伸，唔好成日坐喺工位度；最後，培養個興趣好重要 —— 比如放工後學下煮餸、周末去行山、或者學下寫毛筆字，唔單止可以抖下神，退休之後亦都有嘢做，唔會成日覺得「無所事事」。 講到退休，仲有個好實際嘅問題：你想自己揀時間退休，定係等公司「請你走」？如果係自己揀，當儲夠錢、身體又好，仲找到退休後想做嘅事，咁就可以好灑脫咁同返工講「再見」；但如果係被動「被退休」，比如因為年紀大被淘汰，或者身體唔好要停低，就好容易慌慌張張。所以中年朋友不如早啲諗清楚，喺「工作、抖下再工作」嘅節奏裏，慢慢為自己鋪好路，等退休變成一件「開心嘅事」，唔係「驚慌嘅事」。 最後不妨問下自己：你係真係鐘意返工，定係只係需要「抖下再返工」？好多人返工返到麻木，將返工當成「搵食工具」，忘記咗自己鍾意咩。其實工作同休息唔係「對手」，適當抖下唔係「偷懶」，反而可以讓你之後返工更有精神。中年返工族唔使將自己逼得太緊，喺顧好屋企嘅同時，都要記得為自己留啲時間 —— 比如周末陪屋企人去行街，或者瞓個懶覺，就算短短幾個鐘，都可以充充電。人生唔係「衝刺跑」，而係「馬拉松」，懂得「工作、抖下再工作」，先至可以走得更遠，亦都可以喺承擔責任嘅同時，享受到生活嘅小樂趣。
簡單生活斷捨離：人生智慧
香港嘅生活，向來係 “快、多、忙” 嘅代名詞 —— 返工要趕地鐵、買嘢要揀款式、網購要b多選擇,連行路都要比人快。疫情之後，網購更成為日常，淘寶、京東、拼多多手指一按，免運費又平靚正，種類多到眼花繚亂，好多人不知不覺就買咗一大堆唔必要嘅嘢：着過一次就擱埋一邊嘅衫、用唔慣小家器、擺到過期嘅零食, 各式各樣 …… 屋企空間越來越細，雜物越來越多，心態亦都變得浮躁。其實活到一定年紀先會明白，生活唔需要堆砌，減法先至係真諦 —— 斷捨離唔係丟嘢，而係揀選真正重要嘅嘢，平淡是福，簡單先快樂。 年輕時，我們總鍾意 “追”：追名牌包包、追新款高踭鞋、追限量版潮物，覺得呢啲先係身份嘅象徵，係生活質量嘅體現。那時返工要着行政服，手袋要搭埋鞋，連午餐都要揀高級餐廳，生怕被人睇小。但年紀越大越發現，呢啲 “奢侈品” 根本唔係必需品 —— 高踭鞋穿一日腳痛到行唔到路，不如一對平凡嘅運動鞋舒服；名牌包包要小心翼翼護理，不如背囊方便實用；每季新款輪流換，永遠追唔完，反而堆滿衣櫃，着唔晒又唔舍得丟，造成浪費。 香港人住屋 “寸金尺土”，雜物多咗連轉身都困難。疫情期間網購癮大發，買咗一大堆 “閒嘢”，結果根本用唔晒；拼多多嘅便宜衫一次買十件八件，着咗一次覺得唔舒服就擱埋；京東嘅小家電，到而家仲係全新未拆封。上個月佢終於忍唔住搞斷捨離，清出三大袋垃圾，先發現原來自己買咗好多 “可有可無” 嘅嘢。 “以前覺得平就買，唔使諗太多，而家先覺得，屋企整潔咗，心情都舒暢好多。” 斷捨離嘅第一步，係 “斷” 掉不必要嘅購買欲。香港網購太方便，免運費門檻低，好多人見到 “減價”“限量” 就衝動落單，根本唔諗自己係咪真係需要。記住一個原則：買嘢之前問自己三句：“呢樣嘢我真係要用嗎？”“屋企有無替代品？”“買返來會擺邊度？” 好多時候，答案都係 “唔需要”。以前鍾意買潮牌，衣櫃塞到滿，年紀大了閱歷多了,只揀舒適、耐穿嘅基本款，都唔使諗，配搭簡單又得體。佢話：“年紀大咗，唔想再為‘面子’花錢，着得舒服、自在先最重要。” 飲食方面，斷捨離亦都一樣重要。年輕時覺得 “食得好” 就係山珍海味、肥膩厚味，龍蝦、鮑魚、燒乳豬樣樣唔少，每日飲酒應酬，唔覺得有咩問題。但隨住年紀增長，腸胃越來越唔爭氣，高油高鹽高糖嘅食物吃多咗，高血壓、高血脂、高血糖 “三高” 就找上門。香港人工作壓力大，飲食又唔規律，好多中年街坊都有 “三高” 問題，後悔當初冇好好保重身體。 而家嘅我們，終於明白 “平淡是福” 嘅道理：早餐番薯,番茄通粉比油膩嘅叉燒包, 煙肉健康；午餐一份清炒時蔬蒸魚配糙飯，比炸魚套餐舒服；晚餐簡簡單單豆腐菜湯配肉餅，比大餐更養胃。其實長者飲食最講究清淡健康，唔好貪方便出街食，茶餐厅嘅常餐大多油鹽偏重，唔係長者理想選擇。反而自己屋企煮最安心：買條新鮮魚清蒸，保留營養又唔油膩；煲一鍋紫菜雞蛋豆腐湯，清甜滋潤；再炒一碟時令青菜，簡簡單單三菜一湯，營養均衡又好消化。阿婆話：“以前覺得冇魚冇肉唔叫食飯，而家先知，自己煮嘅清淡菜式先係養生之道，腸胃好咗，身體自然硬朗。” 斷捨離嘅第二步，係 “捨” 掉用唔着嘅雜物。我地向來 “念舊”，由於年青時缺乏, 好多嘢就算用唔着都唔舍得丟，覺得 “總有一日會用到”，結果就擺到天荒地老。其實好多嘢根本冇 “再用嘅機會”：着唔落嘅舊衫、壞咗嘅電器、過期嘅護膚品、囤積嘅包裝盒…… 呢啲嘢只會佔據空間，影響心情。可以試吓 “一年法則”：超過一年冇用過嘅嘢，就大膽丟掉或者捐去慈善機構,可以幫到有需要嘅人，比擺喺屋企積塵有意義得多。” 除咗物質，心態上都需要斷捨離。香港生活節奏快，競爭激烈，好多人總鍾意同別人比較：比收入、比樓價、比子女成就，越比越焦慮，越比越不快樂。其實人生唔係競賽，每個人都有自己嘅節奏，平淡嘅生活一樣可以有滋味。部份長者，退休後每日晨運、買餸、煮飯，下晝同老友去公園、飲茶，上長者班, 生活簡簡單單，佢每日都好開心。 “唔使同人比，自己活得舒服、健康，就係最大嘅幸福。” 斷捨離亦都係一種環保態度。香港每日產生大量廢物，好多未經使用嘅物品被丟進垃圾站，造成資源浪費和環境污染。我們買得越少，浪費就越少，對地球嘅負擔就越輕。比如減少購買一次性用品，自備環保袋、水樽、餐具；衣服揀質量好簡單款式，着得耐啲，減少更換次數；食物按需購買，唔好貪平囤貨，避免過期浪費。街坊常講：“愛護地球唔係大道理，就係從身邊小事做起，少買一樣唔必要嘅嘢，就少一份浪費。” 年紀大咗，越來越明白生活嘅核心係 “簡單”：衣着簡單，舒適就好；飲食簡單，健康就好；人際關係簡單，真誠就好。唔需要太多物質堆砌，唔需要太多應酬打擾，唔需要同人比較高低，只要內心充實、身體健康，就已經足夠。 […]
長者秋冬穿衣小貼士-暖笠笠過冬-氣血順暢好舒服
香港的秋冬唔似北方咁凍到刺骨，但濕寒天氣加埋早晚溫差大，對長者來講都要非常注意！長者皮下脂肪少、血液循環又慢，好容易覺得凍、關節僵硬,令人唔舒服。其實穿衣保暖都有小學問，下面就同大家整理幾個實用方法，包括好易用的洋蔥穿衣法、一定要護好的4個怕冷部位、穿衣小技巧，仲有幫助氣血流通的日常小習慣，等大家暖笠笠、舒舒服服過秋冬！ 一、核心保暖：洋蔥穿衣法，應對香港濕冷好靈驗！ 香港秋冬,如果遇上多陰雨天，又濕又冷，仲有個特點就是室內外溫差大——夏季商場、地鐵的空調凍到要披外套，出太陽後,戶外又潮濕悶熱。呢個時候，「洋蔥穿衣法」就好有用啦！佢嘅核心就是「多層次、輕薄透氣」，想增就增、想減就減，唔使怕凍到，又唔會焗到出汗。 具體建議： 1. 內層：選擇透氣吸汗的輕薄衣物，如純棉、莫代爾人造纖維材質的長袖T恤或打底衫。香港濕氣重，內層透氣能避免汗水積聚在皮膚表面，減少寒氣入侵的可能，同時穿著舒適不緊繃。 2. 中層：負責主要保溫，可選薄毛衣、抓絨衣或輕薄羽絨背心。中層衣物要柔軟保暖，且便於穿脫，適合早晚戶外或室內空調較強時穿著；中午溫度升高時，可隨時脫下，避免過熱出汗後著涼。 3. 外層：防風防水為主，應對香港的陰雨天气。建議選擇輕便的風衣、防水外套或薄羽絨服，材質以透氣防水為佳，避免厚重不靈活。外層長度建議蓋過臀部，能更好地保護腰腹部位。 二、重點防護：呢4個部位最怕冷，一定要護好！ 長者身體有幾個「薄弱位」，特別容易受冷。就係頭頸、腰腹、腳部同關節呢四個地方，一旦凍親，唔單止容易感冒，仲可能引發關節痛、肚痛等問題，大家一定要多留意！ 1. 頭頸部：頭同頸的血管好密，熱量散得好快，而且頸部有好多穴位經絡，凍親好容易頭痛、頸椎唔舒服。建議日常戴一條輕薄的圍巾，出街風大嘅時候，就著有帽檐的外套，或者戴一頂淺色舒服的帽子（深色太吸熱，室內戴會好焗）。如果室內空調直吹頸，都可以搭一條小圍巾，簡簡單單就可以防凍。 2. 腰腹部：個肚同腰裏面係五臟六腑的位置，尤其肚臍周圍同腰部，凍親好容易影響消化，肚痛、肚瀉就來啦，仲可能加重腰酸膝軟。建議著內衣或者打底衫，外層衫盡量蓋過腰腹，唔好著太短的外套。 3. 腳部：有句話說「寒從腳下起」，腳離心臟最遠，血液循環最慢，凍親腳之後，寒氣好容易走入全身。香港秋冬潮濕，腳就更易凍啦！建議著厚實的純棉襪或者羊毛襪，每日更換保持乾爽；鞋就揀有一定厚度、防滑又透氣的，比如運動鞋、軟底皮鞋，秋冬千祈唔好著涼鞋或者薄底布鞋。室內可以備一對保暖拖鞋，唔好赤腳踩係凍冰冰的地板上。 4. 關節部位：膝蓋、手肘呢啲地方脂肪少，好難保暖，凍親好容易引發風濕、關節痛。建議著長袖衫保護手肘，褲子就揀膝蓋，或者出街的時候戴一對輕薄的護膝（室內可以除咗，唔使焗）。唔好著過緊褲或太濶腳褲，會影響關節活動同血液循環及阻礙走動。 三、穿衣小技巧：顏色、款式有講究，著得舒服又安全！ 長者穿衣，除咗保暖，舒服同安全都好重要！下面呢幾個小技巧，大家可以參考下： 1. 顏色選擇：優先揀淺色系或者柔和的顏色，比如淺藍、米色、淺粉、淺灰色呢啲。一方面，淺色系衫睇落好明亮，心情都會好啲；另一方面，淺色喺光線暗的地方（比如傍晚的街、室內走廊）更容易被人睇到，可以減少碰撞的風險。唔好揀太深的顏色，比如黑色、深藍，吸熱之後室內戴會好焗，睇落又好沉悶。 2. 款式：最好揀開襟，比如開襟毛衣、風衣、外套，方便穿脫，開襟衫的鈕扣或者拉鏈都要揀設計合理的，鈕扣要大，拉鏈要順滑，最好有拉鏈頭延長帶，方便操作。 3. 袖口與褲腳：袖口揀鬆緊適中，或有可調節扣的款式，唔好太闊（寒氣會走入來），亦都唔好太緊（影響手部血液循環）。褲腳要合身，唔好太長（會拖喺地上打滑），亦都唔好太緊（影響腿部血液循環），可以揀微喇或者直筒款，配一對長度合適的鞋，行起路嚟更安全。另外，褲子的腰帶建議揀彈性材質嘅，太硬身會壓到個肚腩不舒服。 四、日常小習慣：按壓幾個穴位，氣血順暢唔怕凍！ 除咗著衫保暖，每日堅持按壓幾個簡單的穴位，都可以促進血液循環、疏通經絡，有效緩解身體凍冰冰同關節唔舒服的問題，同穿衣保暖配合起身，效果更好！幾個穴位操作好簡單，屋企或者出街休息的時候都可以做： 1. 湧泉穴：喺腳底前1/3的位置，將腳趾彎起嘅時候會有一個凹陷，就係呢度啦。每日瞓覺前用溫水泡腳10-15分鐘（水溫唔好超過40℃，避免燙親），泡完之後用拇指按壓雙腳的湧泉穴，每邊按3-5分鐘，力度以有少少酸脹感就可以。按呢個穴位可以溫暖腎陽、促進下肢血液循環，腳凍的時候按一按好有效！ 2. 足三里穴：喺小腿外側，膝蓋凹陷處向下3寸（大概4隻手指的闊度），脛骨外側一橫指的位置。每日朝早同夜晚各按一次，每邊按3-5分鐘，力度可以稍為重少少，有酸脹感傳到腳踝就最好。足三里係養生好穴位，可以調理脾胃、補充元氣、促進全身氣血循環，對緩解下肢凍、關節無力好有幫助。 3. 內關穴：喺手腕內側，腕橫紋向上2寸（大概3隻手指的闊度），兩條明顯肌腱之間。每日得閒嘅時候（比如坐喺沙發睇電視、搭車的時候）就可以按，每邊按2-3分鐘，力度適中就得。按內關穴可以疏通經絡、緩解上肢凍冰冰，仲可以改善胸悶、心慌嘅不適。 4. 陽陵泉穴：喺膝蓋外側下方，腓骨頭前下方的凹陷處。如果關節唔舒服，就可以重點按呢個穴位，每邊按3-5分鐘，有酸脹感就可以。按陽陵泉可以疏風散寒、緩解膝蓋、手肘等關節的疼痛同僵硬，促進關節周圍的血液循環。 按壓的時候記得姿勢要舒服，唔好太用力，避免整傷肌肉；如果有嚴重的關節病或者其他慢性病，建議先問下醫生！ 總結：暖笠笠過冬，就係咁簡單！ 香港的秋冬雖然短，但濕冷的天氣對長者身體都幾有挑戰。其實只要掌握「洋蔥穿衣法」應對溫差，重點護好頭頸、腰腹、腳部、關節呢四個怕冷部位，揀啱顏色同款式的衫著得舒服又安全，再加上每日按壓穴位的小習慣，就可以有效抵禦寒氣、促進氣血循環，輕輕鬆鬆暖笠笠過秋冬啦！家人亦都可以多關心下長者的穿衣同身體狀況，一齊為健康保暖把關～
身體響警號？
清晨港鐵站月台，返工族拎住早餐匆匆趕車，車箱內不時聽到噴嚏聲及咳嗽聲；下晝辦公室，頸梗, 肩膀得像生鏽鐵閘，轉頭要連身帶椅一齊轉，心口悶脹、胃酸上湧；放工返回家沖涼，望住鏡中鬆垮臂彎同凸肚腩 —— 呢啲日日上演嘅 “小不適”，早係身體嘅 “求救信號”，只係香港人太忙、太慣於 “硬撐”，從未認真理會。 香港人嘅人生總喺 “趕時間”：趕頭班港鐵、趕快餐、捱夜 OT、周末應酬。茶餐廳叉燒飯、外賣咖喱雞、凍檸茶、珍珠奶茶係日常，長期 “搏殺” 下，總覺得身體 “頂得順”。總以為打乞嗤、流鼻水小事、辦公室工作腰酸頸痛甩唔開。反吾到工先至醒覺：人生中場，身體已唔再係 “後生仔” 嘅 “銅皮鐵骨”，呢啲 “小毛病” 全是健康 “紅色警報”。 港人日常 “小不適”，個個係預警 喺香港，“頸梗膊痛、腰酸骨痛” 堪稱打工仔 “職業徽章”。朝九晚六對電腦、碌 WhatsApp，頸椎腰椎長期 “伸直”，肌肉僵硬酸痛到轉頭 “咔咔” 響。好多人只識叫咖啡、貼下 “撒隆巴斯”舒緩，卻唔知長期久坐會導致頸椎曲度變直、腰椎間盤突出，嚴重時手麻腳麻影響行路。 打乞嗤流鼻水唔好以為小事，是先兆才真,係免疫力下降。香港潮濕多溫差，猛烈陽光下33-34度, 港鐵商場冷氣勁，“冷熱交替” 易令免疫系統 “失守”。以前感冒幾日就好，而家一咳成個月，甚至引發支氣管炎，嚴重的話肺病都有可能, 全是身體喊 “要休息啦”。 心口悶脹、胃酸倒流係港人常見病。早餐狼吞虎咽、十五分鐘搞掂二餐、夜晚應酬啤酒海鮮辛辣肥膩齊落，或者狂食滿足工作內壓力, 引致腸胃長期 “超負荷”以為係 “食錯嘢”不適，卻唔知長期發胃炎、胃潰瘍。 另外皮膚鬆弛、肚腩凸起唔係單純 “發福”，係新陳代謝變慢、肌肉量流失。茶餐廳西多士、炸物，芒果糯米糍、蛋撻，全是魔鬼, 再加少運動，脂肪堆積導致 “三高” 年輕化，血壓血糖異常或頸椎問題,中年人越來越多，有朋友街市買餸時頭暈跌倒，先發現高血壓已好嚴重。 無先兆 “隱形殺手”，更要提防 香港醫療發達，但子宮頸癌、胃癌、肺癌等仍係 “隱形殺手”。好多女性子宮頸癌早期無症狀，靠篩查先發現 HPV 陽性；胃癌早期僅 “偶爾胃痛”，易被當消化不良，劇痛嘔血時已中晚期。肺癌早期或只 “咳兩聲”，等到咳血呼吸困難，往往已擴散。 香港人話 “得閑死,吾得病”，其實政府有提供癌症篩查，針對性體檢套餐。大腸鏡、女性宮頸乳腺檢查、男性前列腺肺部檢查，早發現早治療係關鍵，早期癌症治愈率高，晚期卻要捱化療、花大錢。 心腦血管疾病亦嚴重，港人高油高鹽高糖飲食、少運動、壓力大，“三高” […]